Կեմերովոյի «Ձմեռային բալ» առևտրի կենտրոնի տեխնիկական տնօրեն Գեորգի Սոբոլևը դատարանում հայտարարել է, որ չի իմացել հակահրդեհային անվտանգության համակարգի անսարքության մասին:
«Առևտրի կենտրոնը վերջին շրջանում բարձիթողի վիճակում էր... Հակահրդեհային անվտանգության համակարգի տեղադրման համար հատուկ խումբ էր վարձվել... Ես այդ անսարքության մասին չեմ իմացել: Անսարքության մասին ինձ որևէ մեկը չի զեկուցել»,- ասել է Սոբոլևը:
Ըստ ՌԴ ՔԿ-ի՝ ողբերգության պահին պահակներից մեկն անջատել է հրդեհի տագնապի ազդանշանը: Ավելի ուշ տեղեկություններ են հայտնվել այն մասին, որ մի քանի օր անվտանգության համակարգերը ստիպված են եղել ձեռքով անջատել, քանի որ կեղծ ազդանշաններ է տվել:
Հրդեհի գործով 5 ձերբակալված կա, նրանց թվում՝ Սոբոլևը: Հրդեհի հետևանքով 64 մարդ է զոհվել, այդ թվում՝ 41 երեխա: