Եկատերինբուրգում քանդել են հեռուստաաշտարակը, որը քաղաքի բնակիչները համարում էին քաղաքի խորհրդանիշը: Հեռուստաաշտարակի շուրջ տարածքն իրավապահները շրջափակել էին: 220 մետր բարձրություն ունեցող հեռուստաաշտարակի քանդմանն ականատես են եղել հարյուրավոր տեղաբնակներ:
Վաղ առավոտյան անվտանգության ապահովման համար տարհանվել էին մոտակա շենքերի բնակիչները:
Տեղական ժամանակով ժամը 08:30-ին նախազգուշացման առաջին ազդանշանն է հնչել, 09:00 և 09:10-ին՝ ևս երկուսը: Իսկ 4 րոպե անց երրորդ ազդանշանից հետո պայթյուն է լսվել, և աշտարակը փլուզվել է բնակիչների աչքի առջև: