Կալանքի տակ են դրվել Ուկրաինայի տարածքում գտնվող ռուսական «Գազպրոմ» ընկերության բոլոր ակտիվներն՝ ուկրաինական հակամենաշնորհային օրենսդրության հետ կապված տուգանքի մասին գործի շրջանակներում, հաղորդում է Lenta-ն:
Ռուսական ընկերության ակտիվների արժեքը գնահատվում է 100 միլիոն գրիվեն (3,8 միլիոն դոլար): Այս մասին հայտարարել է Ուկրաինայի արդարադատության նախարար Պավել Պետրենկոն:
Նրա խոսքով՝ երկրի արդարադատության նախարարությունը կհամագործակցի իր գործընկերների հետ դատական այլ վճիռների հարցով, որոնք ռուսական կողմին պարտավորեցնում են վճարել Ուկրաինային: Խոսքը, մասնավորապես, Ստոկհոլմի արբիտրաժային դատարանի որոշման մասին է, որը 2018թ. փետրվարին ռուսական կողմին պարտավորեցրեց ուկրաինական «Նավթոգազին» 2,56 միլիարդ դոլար վճարել: