Դամասկոսի վրա հրթիռային հարձակման հետևանքով 24 մարդ է զոհվել, 32-ը վիրավորվել են, РИА Новости-ի փախանցմամբ հաղորդել է սիրիական ազգային գործակալությունը` հղում անելով ոստիկանության աղբյուրին:
«Տուժածների թիվը վերջնական չէ, քանի որ շարունակվում է հրետակոծությունը»,- տեղեկացրել է գործակալության աղբյուրը:
Ավելի վաղ հաղորդվել էր Դամասկոսի ծայրամասում գտնվող Քաշքուլ թաղամասի վրա հրթիռային հարձակումների հետևանքով չորս քաղաքացիների մահվան մասին:
Ըստ գործակալության, ևս մեկ հրթիռ պայթել էր Դամասկոսի կենտրոնական Մազզա թաղամասում, որի հետևանքով մեկ երեխա վնասվածք է ստացել: