Խնդրում ենք սպասել...
COMMENT.am
Այսօր`  հինգշաբթի, 18 հոկտեմբերի, 2018 թ.
Ավանդների տոկոսադրույքը`  
Հայկական դրամ
14.00%
,
ԱՄՆ դոլլար
6.50%
,
Եվրոպական Եվրո
4.00%
,
Ռուսական ռուբլի
8.50%

Իրադարձություններ

Մալթայի երաժշտական արվեստն «Արամ Խաչատրյան» համերգասրահում

00:05, երեքշաբթի, 20 մարտի, 2018 թ.
Մալթայի երաժշտական արվեստն «Արամ Խաչատրյան» համերգասրահում

«Արամ Խաչատրյան» համերգասրահում Հայաստանի պետական սիմֆոնիկ նվագախումբը դիրիժոր Սերգեյ Սմբատյանի ղեկավարությամբ ներկայացրել է գեղեցիկ համերգային երեկո՝ անվանի մենակատարների մասնակցությամբ։ Ծրագրում հնչում էին մալթացի ժամանակակից կոմպոզիտոր Ալեքսեյ Շորի ստեղծագործությունները։

Մալթայի երաժշտական արվեստն «Արամ Խաչատրյան» համերգասրահում
Մալթայի երաժշտական արվեստն «Արամ Խաչատրյան» համերգասրահում

Սերգեյ Սմբատյանը նկատել է, որ համերգի ընթացքում ներկայացված գործերը հնչեցվելու են նաև ապրիլի 16-ից մայիսի 1-ը Վալետայում կայանալիք Մալթայի միջազգային երաժշտական փառատոնի ընթացքում, որտեղ Հայաստանի պետական սիմֆոնիկ նվագախումբը հրավիրված է որպես պաշտոնական նվագախումբ։ «Մենակատարները՝ դաշնակահարուհի Սոֆյա Վաշերուկն, ալտահար Յուրի Ջիսլինը, ջութակահար Յարոսլավ Նադրզիցկին, որոնք ելույթ ունեցան նվագախմբի հետ, մեծ ճանաչում ունեն, և մեզ համար կարևոր էր հանդես գալ նրանց հետ ու հետագայում նույնպես պահպանել համագործակցությունը»,- ասել է Սերգեյ Սմբատյանը։

Մալթայի երաժշտական արվեստն «Արամ Խաչատրյան» համերգասրահում
Մալթայի երաժշտական արվեստն «Արամ Խաչատրյան» համերգասրահում

Ջութակահար Յարոսլավ Նադրզիցկին 2010 թվականին Խաչատրյանի անվան միջազգային մրցույթում արժանացել է 1-ին մրցանակի։ Երաժիշտը հիշում է, որ խաչատրյանական մրցույթն իր առջև մեծ հեռանկարներ բացեց, հիանալի համերգներ, որոնց ընթացքում հանդիպեց մեծագույն անհատների՝ լեհ կոմպոզիտոր Քշիշտոֆ Պենդերեցկու, Սերգեյ Սմբատյանի և բազմաթիվ այլ մարդկանց հետ։ «Մրցույթից մեկ տարի հետո ես հնարավորություն ունեցա Երևանում հանդես գալու Մաքսիմ Վենգերովի ղեկավարությամբ, ինչն ուղղակի ֆանտաստիկ էր։ Խաչատրյանի մրցույթը իմ կյանքի ամենակարևոր հատվածներից է»,- ասել է Յարոսլավը։ Նա նաև նշել է, որ մրցույթի ընթացքում ինքը ներկայացրել է Արամ Խաչատրյանի Ջութակի կոնցերտը, ինչը հետագայում կատարել է նաև բազմաթիվ այլ բեմերում և բազմաթիվ նվագախմբերի հետ։

Մալթայի երաժշտական արվեստն «Արամ Խաչատրյան» համերգասրահում
Մալթայի երաժշտական արվեստն «Արամ Խաչատրյան» համերգասրահում

Յարոսլավ Նադրզիցկին հաճախ է ելույթներով հանդես գալիս Երևանում, նա խոստովանում է, որ իրեն Հայաստանի հետ կապում են մարդիկ, ջերմ հանդիսատեսը. «Ես գիտեմ, որ հայերը մեծագույն ազգ են, միլիոնավոր հայեր են ապրում տարբեր երկրներում, և որտեղ էլ լինեմ, միայն լավն եմ լսում հայերի մասին»։ Խոսելով Շորի երաժշտության մասին՝ Նադրզիցկին նկատեց, որ նրա մեղեդին հաճելի ու դրական է. «Ես հաճելի զգացողություններ եմ ունենում, երբ ներկայացնում եմ նրա գործերը։ Շորն իր երաժշտության միջոցով գեղեցիկ պատկերներ է նկարագրում։ Նրա գործերը վիրտուոզ են և պահանջում են կատարողական տեխնիկա»։

Երևանյան հանդիսատեսին իր երաժշտությամբ գերեց նաև ալտահար Յուրի Ջիսլինը, ում The Strad ամսագիրը համարում է «ռոմանտիկ խառնվածքով վիրտուոզ»: Նա ելույթներով հանդես է եկել աշխարհի շուրջ 60 երկրներում:

Իսկ դաշնակահարուհի Սոֆյա Վաշերուկը դաշնամուր նվագում է 4 տարեկանից։ 2008-ին հիմնադրել է Siestango Quartet-ը, որը մասնագիտացել է Աստոր Պիացոլայի գործերի կատարմամբ:

| | |
1286 | 0