Սաուդյան Արաբիայի թագաժառանգ արքայազն Մուհամեդ բեն Սալմանը CBS հեռուստաալիքին ասել է, որ մտադիր է հավասարեցնել կանանց և տղամարդկանց աշխատավարձերը:
«Մենք աշխատում ենք նախաձեռնության վրա, որը կթողարկվի մոտ ապագայում և ուղղված կլինի կանանց և տղամարդկանց աշխատավարձերի հավասարեցմանը»,- ասել է նա:
Ըստ թագաժառանգ արքայազնի՝ դա թույլ կտա մեծացնել երկրում աշխատող կանանց թիվը: Այժմ այն կազմում է 22%-ը:
Մուհամեդ բեն Սալմանի խոսքով՝ Սաուդյան Արաբիան 2017թ. նոյեմբերին 11 արքայազնների և 4 նախարարների ձերբակալությունից հետո մոտ կարող է բյուջե վերադարձնել 100 միլիարդ դոլար:
Նշենք, որ թագաժառանգ արքայազնը Սաուդյան Արաբիայում արմատական արդիականացման ակտիվ քաղաքականություն է վարում: 2016թ. Էր Ռիայդը թողարկել էր Vision 2030 երկարաժամկետ ծրագիրը, որը մոտակա 15 տարվա ընթացքում նավթային կախվածությունից երկիրն ազատելու նպատակ ունի: