Արևելյան Ղութայում ահաբեկչական խմբավորումների կողմից որպես պատանդ պահվող հազարավոր բնակիչներ օրերս կարողացել են դուրս գալ այդ շրջանից սիրիական բանակի տրամադրած Համմուրի միջանցքով:
Ինչպես հաղորդում է «Գանձասար»-ը՝ հղում անելով «Սանա»-ին՝ ազատ արձակվածները մեծամասամբ կանայք և երեխաներ են եղել, ովքեր տեղափոխվել են Հոշ Նասրի՝ սիրիական բանակի կողմից տրամադրած ժամանակավոր կացարաններ: Սիրիական Կարմիր մահիկի աջակցությամբ բնակչության հիմնական կարիքներն ապահովված են, գրում է աղբյուրը: Ղութայի բնակիչները հայտնել են, որ Արևելյան Ղութայում տարիներ շարունակ որպես պատանդ են պահվել զինված խմբավորումների կողմից, իրենց բանեցրել են կալվածքներում ու գործատեղիներում:
Մարտի 15-ից ի վեր Համմուրի միջանցքով ահաբեկիչների գերությունից ազատվել է 48 հազար մարդ, միայն այսօր՝ մարտի 18-ին, արդեն դուրս է եկել 18 հազար մարդ:
Ավելի վաղ RT-ն ուղիղ միացումով ցույց էր տվել Արևելյան Ղութայից մարդկանց դուրս բերման ողջ գործընթացը: