Երևանում՝ Ռուսաստանի դեսպանատանը և Գյումրիում՝ ռուսական գլխավոր հյուպատոսարանում, ընտրական մեկական տեղամասեր են բացվել Ռուսաստանի նախագահական ընտրություններում քվեարկելու համար: Այնտեղ կարող են քվեարկել Հայաստանում մշտապես բնակվող կամ ժամանակավոր գտնվող Ռուսաստանի քաղաքացիները, որոնք 18 տարեկան են դարձել:
Ռուսաստանի քաղաքացիներն ընտրացուցակների մեջ են ընդգրկվում ներքին կամ արտասահմանյան անձնագիրը կամ հաշվառման վկայական ներկայացնելու դեպքում՝ քվեարկության օրը բանավոր դիմելով:
Նշենք, որ Ռուսաստանի նախագահի պաշտոնին առաջադրվել է 8 մարդ՝ գործող նախագահ Վլադիմիր Պուտինը, Ռուսաստանի Կոմունիստական կուսակցությունից առաջադրված Պավել Գրուդինինը, Ռուսաստանի Լիբերալ-դեմոկրատական կուսակցությունից Վլադիմիր Ժիրինովսկին, «Յաբլոկոյի» հիմնադիր Գրիգորի Յավլինսկին, «Քաղաքացիական նախաձեռնութան» թեկնածու Քսենյա Սոբչակը, Աճի կուսակցության առաջնորդ Բորիս Տիտովը, «Ռուսաստանի կոմունիստների» առաջնորդ Մաքսիմ Սուրայկինը և «Ռուսաստանի հասարակական միության» թեկնածու Սերգեյ Բաբուրինը: