Ռուսաստանում Մեծ Բրիտանիայի դեսպան Լորի Բրիսթոուն կանչվել է ՌԴ ԱԳՆ: Այս մասին հաղորդում է ТАСС-ը:
«Շաբաթ օրը Ռուսաստանի արտաքին գործերի նախարարություն է կանչվել Մեծ Բրիտանիայի դեսպանը»,- ասվում է հաղորդագրության մեջ, որում այլ մանրամասներ չեն ներկայացվում:
Գործակալությունը նշում է, որ դեսպանին կտեղեկացնեն ռուս նախկին հետախույզ Սերգեյ Սկրիպալի և նրա դստեր թունավորման պատճառով ռուս դիվանագետներին արտաքսելու հետ կապված ռուսական կողմի պատասխան միջոցների մասին:
Ավելի վաղ ՌԴ ԱԳՆ ղեկավար Սերգեյ Լավրովը խոստացել էր երկրից արտաքսել բրիտանացի դիվանագետներին:
Մեծ Բրիտանիայի ԱԳՆ ղեկավար Բորիս Ջոնսոնն, իր հերթին, հայտարարել էր, որ Միացյալ Թագավորության տարածքում նյարդապարալիտիկ նյութի կիրառման հրաման է արձակել ՌԴ նախագահ Վլադիմիր Պուտինը: