Թուրքական հրետանին երեկ վաղ առավոտից սկսել է Սիրիայի հյուսիսում գտնվող (Հալեպից 65 կմ հեռավորության վրա) Աֆրին քաղաքի գնդակոծությունը: Այս մասին հաղորդում է Firat գործակալությունը:
Գործակալության տեղեկությունների համաձայն՝ Էլ Քադիմա, Աշրաֆիա և Մահմուդիա շրջաններում առնվազն 18 մարդ է զոհվել:
Զգալի նյութական վնաս է հասցվել բնակելի թաղամասերին: Փլուզված շենքերի տակ տուժածներ կան:
Ավելի վաղ թուրքական ավիացիան հարված էր հասցրել քրդական «Ազգային ինքնապաշտպանության ուժերի» ստորաբաժանումների ուղղությամբ: Firat-ի տվյալներով՝ 6 մարդ էր զոհվել: