Այսօր լրանում է Հաց բերողի՝ Արթուր Սարգսյանի մահվան առաջին տարելիցը: Հարգանքի տուրք մատուցելու համար նրա շիրիմին էին այցելել մի խումբ քաղաքացիներ ու հասարակական գործիչներ: Սակայն մեծ էր եղել նրանց վրդովմունքը, երբ նկատել են, որ տապանաքարի վրա ուղղագրական սխալ է թույլ տրված, մասնավորապես գրված է՝ «Ես արեցի այն, ինչ կարող էյի (պետք է լինի էի-խմբ.), դուք արեք ավելին»: Այս սխալը քննարկման թեմա է դարձել նաև համացանցում: Օգտատերերը պահանջում են մի կերպ ուղղել սխալը:
«Արթուրը հո պատահական մարդ չէ, հերոս է: Սա ինչ անգրագիտություն է, թող մի բան անեն, ջնջեն»,- ասել է գերեզմանին այցելածներից մեկը: