Խնդրում ենք սպասել...
COMMENT.am
Այսօր`  երեքշաբթի, 23 հոկտեմբերի, 2018 թ.
Ավանդների տոկոսադրույքը`  
Հայկական դրամ
14.00%
,
ԱՄՆ դոլլար
6.50%
,
Եվրոպական Եվրո
4.00%
,
Ռուսական ռուբլի
8.50%

Միջազգային

Թրամփը նոր խոշոր պաշտոնանկություն է նախապատրաստում

14:05, ուրբաթ, 16 մարտի, 2018 թ.
Թրամփը նոր խոշոր պաշտոնանկություն է նախապատրաստում

ԱՄՆ նախագահ Դոնալդ Թրամփը պատրաստ է պաշտոնանկ անել ազգային անվտանգության հարցով իր խորհրդական Հերբերթ Մքմասթերին, հաղորդում է Reuters-ը՝ հղում անելով Սպիտակ տան իր աղբյուրներին:

Պարբերականի տեղեկությունների համաձայն՝ ԱՄՆ նախագահն արդեն որոշում է կայացրել, սակայն Մքմասթերը պաշտոնը միանգամից չի լքի:

Թրամփը, ըստ պարբերականի տեղեկությունների, մտադիր է սպասել որոշ ժամանակ, որպեսզի «չնվաստացնի Մքմասթերին և հիմնովին մոտենա նոր թեկնածուի ընտրությանը»:

Թրամփի ծրագրերին ծանոթ աղբյուրների հաղորդմամբ՝ նոր խորհրդականի պաշտոնում դիտարկվում են ՄԱԿ-ում ԱՄՆ նախկին ներկայացուցիչ Ջոն Բոլթոնի և երկրի ազգային անվտանգության հարցով խորհրդի պատասխանատու քարտուղար Քիթ Քելոգի թեկնածությունները:

Հիշեցնենք, որ Թրամփն օրեր առաջ պաշտոնանկ արեց ԱՄՆ պետքարտուղար Ռեքս Թիլերսոնին, բացի այդ, հայտնի դարձավ, որ նա մտադիր է պաշտոնից ազատել նաև ԱՄՆ գլխավոր դատախազին:

| | |
4204 | 0
Facebook
ՄԱՄՈՒԼ.am