Սենեգալում կործանված ուղղաթիռը պատկանում էր երկրի զինված ուժերին: 7 մարդ փրկվել է, 13-ը համարվում է անհետ կորած, հայտնում է Senego լրատվականը:
Դեպքը տեղի է ունեցել Մասսիրա գյուղից ոչ շատ հեռու գտնվող Ֆատիկ շրջանում: Ըստ լրատվամիջոցի՝ ուղղաթիռում եղել է 20 մարդ, որոնցից 4-ն՝ անձնակազմի անդամներ: Նշվում է, որ 7-ին դուրս են բերել ջրից, իսկ 13-ի մասին տեղեկություններ չկան: Որոնողափրկարարական աշխատանքները շարունակվում են: