Խնդրում ենք սպասել...
Այսօր`  կիրակի, 24 հունիսի, 2018 թ.
Ավանդների տոկոսադրույքը`  
Հայկական դրամ
14.00%
,
ԱՄՆ դոլլար
6.50%
,
Եվրոպական Եվրո
4.00%
,
Ռուսական ռուբլի
8.50%

Միջազգային

Թերեզա Մեյը հայտարարել է 23 ռուս դիվանագետի արտաքսման և Ռուսաստանի հետ դիվանագիտական շփումները դադարեցնելու մասին

17:45, չորեքշաբթի, 14 մարտի, 2018 թ.
Թերեզա Մեյը հայտարարել է 23 ռուս դիվանագետի արտաքսման և Ռուսաստանի հետ դիվանագիտական շփումները դադարեցնելու մասին

Մեծ Բրիտանիայի վարչապետ Թերեզա Մեյը բրիտանական խորհրդարանում «Սկրիպալի գործով» ելույթի ժամանակ հայտարարել է, որ Մեծ Բրիտանիան երկրից կարտաքսի 23 ռուս դիվանագետի, հաղորդում են ռուսական ԶԼՄ-ները՝ հղում անելով բրիտանական խորհրդարանի կայքին, որտեղ հեռարձակվում է Թերեզա Մեյի ելույթը:

Մեծ Բրիտանիայի վարչապետը նշել է, որ ռուս դիվանագետները պետք է լքեն երկիրը մեկ շաբաթվա ընթացքում: Նա ընդգծել է, որ Լոնդոնն անհապաղ միջոցներ կձեռնարկի լրտեսական ցանցի տարածումը կանխելու համար և կդադարեցնի Ռուսաստանի հետ դիվանագիտական շփումները:

«Ռուսաստանը պատասխանատու է այդ նողկալի քայլի համար: Մենք Ռուսաստանին ժամանակ տվեցինք բացատրություն ապահովելու համար, դրա փոխարեն նրանք արձագանքեցին ծաղրանքով և հերքեցին մեղադրանքները: Որևէ կասկած չկա, որ ռուսական կառավարությունը մեղավոր է պարոն Սկրիպալի և նրա դստեր վրա մահափորձի համար»,- իր ելույթի ժամանակ ասել է Թերեզա Մեյը:

«Նրանք, ովքեր ցանկանում են վնաս հասցնել մեզ, իմ ուղերձը պարզ է. «Ուրախ չենք ձեզ այստեղ տեսնել»: Բացի այդ, բրիտանացի որևէ նախարար կամ թագավորական ընտանիքի որևէ անդամ չի մասնակցի 2018թ. Ռուսաստանում ֆուտբոլի աշխարհի առաջնությանը»,- հավելել է նա:

Մեծ Բրիտանիան հայտնել էր նաև այդ գործով ՄԱԿ-ի ԱԽ արտահերթ նիստ հրավիրելու մասին:

| | |
5224 | 1