Խնդրում ենք սպասել...
COMMENT.am
Այսօր`  չորեքշաբթի, 15 օգոստոսի, 2018 թ.
Ավանդների տոկոսադրույքը`  
Հայկական դրամ
14.00%
,
ԱՄՆ դոլլար
6.50%
,
Եվրոպական Եվրո
4.00%
,
Ռուսական ռուբլի
8.50%

Իրադարձություններ

Տասը նոր համակարգիչ՝ Ամասիայի միջնակարգ դպրոցին. ՎիվաՍել-ՄՏՍ

12:00, չորեքշաբթի, 14 մարտի, 2018 թ.
Տասը նոր համակարգիչ՝ Ամասիայի միջնակարգ դպրոցին. ՎիվաՍել-ՄՏՍ

Շիրակի մարզի Ամասիա գյուղը հայտնի է իր խստաշունչ և տևական ձմեռներով: Առատ տեղումների և հաճախակի արձանագրվող ձնաբքի պատճառով, արևմուտքից Թուրքիային, իսկ հյուսիսից Վրաստանին սահամանկից բնակավայրն ամիսներ շարունակ «մեկուսանում է» աշխարհից: Այդ ժամանակահատվածում անօգուտ են դառնում նաև բնակիչների՝ գյուղական առօրյան փոքր-ինչ հետաքրքիր դարձնելու փորձերը:

Գյուղի դպրոցում սովորում է 180 աշակերտ: Բացահայտող, խելացի, վերլուծող սերունդ կրթելու համար, մանկավարժները ներդնում են անհրաժեշտ ջանքեր: Գյուղական գրադարանից օգտվելը կամ Գյումրի մեկնելը, փակ ճանապարհների պատճառով, ոչ միշտ է հնարավոր լինում: Աշակերտների համար աշխարհի հետ հաղորդակցվելու և զարգացումներից չկտրվելու արդարացված միջոցը մնում է համակարգչային հաղորդակցությունը:

Տասը նոր համակարգիչ՝ Ամասիայի միջնակարգ դպրոցին. ՎիվաՍել-ՄՏՍ
Տասը նոր համակարգիչ՝ Ամասիայի միջնակարգ դպրոցին. ՎիվաՍել-ՄՏՍ

Դպրոցի ինֆորմատիկայի դասարանը համալրվել է տասը նոր համակարգչով: Առարկան նոր հնարավորություններով ուսումնասիրող աշակերտներն սկսել են մեծ հետաքրքրություն դրսևորել: Դասավանդող ուսուցչի՝ Անուշ Աղայանի գնահատմամբ, դասապրոցեսն առավել արդյունավետ է դարձել և շատերի համար կարող է մասնագիտական կրթության հիմք դառնալ:

«Ուսումնական գործընթացի աշխուժացմանն ուղղված գործնական քայլերն արդեն ցանկալի արդյունք են տվել. մեծացել է առարկայի նկատմամբ աշակերտների հետաքրքրությունը, բարձրացել է կրթության որակը: Այս նվերը մեծ անակնկալ էր մեզ համար: Հարգանքի է արժանի այն անձնավորությունը, ով կարևորում է կրթությունը»,- ասել է դպրոցի տնօրեն Կարինե Հարթենյանը:

Տասը նոր համակարգիչ՝ Ամասիայի միջնակարգ դպրոցին. ՎիվաՍել-ՄՏՍ
Տասը նոր համակարգիչ՝ Ամասիայի միջնակարգ դպրոցին. ՎիվաՍել-ՄՏՍ

Ամասիայի միջնակարգ դպրոցը 10 նոր համակարգիչ է ձեռք բերել ՎիվաՍել-ՄՏՍ-ի գլխավոր տնօրեն Ռալֆ Յիրիկյանի անձնական նվիրատվության շնորհիվ:

| | |
2619 | 0