Րոպեներ առաջ ավարտվեց Անգլիայի առաջնության՝ Պրեմիեր լիգայի 30-րդ տուրի «Արսենալ»-«Ուոթֆորդ» հանդիպումը։ «Արսենալ»-ը 3։0 հաշվով հաղթեց մրցակցին։ Հայաստանի ազգային հավաքականի և «Արսենալ»-ի կիսապաշտպան Հենրիխ Մխիթարյանը դարձավ գոլի և գոլային փոխանցման հեղինակ։ Նա մրցակցի դարպասը գրավեց 77-րդ րոպեին, իսկ 59-րդ րոպեին գոլային փոխանցում կատարեց Պիեր Էմերիկ Օբամեյանգին։ Մեր հավաքականի ավագը հանդիպումն սկսեց մեկնարկային կազմում՝ փոխարինվելով 78-րդ րոպեին։