Միջազգային

ՌԴ Կրասնոդարի երկրամասում բնակելի տներից մեկում պայթյունի հետևանքով 6 մարդ է վիրավորվել, հաղորդում է ТАСС-ը:

Տեղի արտակարգ իրավիճակների նախարարությունը նշել է, որ տուժածների մոտ լուրջ վնասվածքներ չկան: «Մի տղամարդ այրվածքներ է ստացել: Որոշները հրաժարվել են հոսպիտալացումից»,- ասել է գործակալության աղբյուրը:

Պայթյունը տեղի է ունեցել տան վերջին հարկում: Մեկ այլ աղբյուր հայտնել է, որ պայթյունից հետո փլուզվել է տան պատը:

Գործակալության տեղեկությունների համաձայն՝ դեպքի հետևանքով տուժածների թվում 9 տարեկան երեխա կա: