ԱՄՆ-ն կարող է պատասխանել Ռուսաստանի կողմից ցանկացած հարձակման: Այս մասին հայտարարել է ԱՄՆ Զինված ուժերի Ռազմավարական հրամանատարության ղեկավար, գեներալ Ջոն Հայթենը:
Այդպիսով Հայթենը մեկնաբանել է ՌԴ նախագահ Վլադիմիր Պուտինի կողմից ռուսական նորագույն զենքի մշակման մասին հայտարարությունը:
«Մենք պատրաստ ենք ցանկացած սպառնալիքի, և ոչ ոք թող չկասկածի դրանում»,- РИА Новости-ն մեջբերում է ամերիկացի գեներալի խոսքը:
Գեներալը նաև վստահություն է հայտնել, որ Վաշինգթոնը կարող է պատասխանել Ռուսաստանի ցանկացած գործողության:
«Ի դեպ, նրանք չգիտեն, թե որտեղ են գտնվում մեր սուզանավերը, որոնք կարող են ոչնչացնել նրանց երկիրը, եթե մենք գնանք այդ ուղով»,- եզրափակել է Հայթենը: