Իրադարձություններ

Մարտի 2-ին խորհրդարանն Արմեն Սարգսյանին ընտրեց ՀՀ նախագահ, ով, սակայն, պաշտոնն ստանձնելու է գործող նախագահի լիազորությունների ավարտման օրն՝ ապրիլի իննին:

Խորհրդարանի ղեկավարը տեղեկացրել է, որ ՀՀ Սահմանադրության 127-րդ և «ՀՀ ԱԺ կանոնակարգ» սահմանադրական օրենքի 49-րդ հոդվածների համաձայն՝ Հանրապետության նախագահը պաշտոնն ստանձնում է Ազգային ժողովի հատուկ նիստում, որը հերթական ընտրության դեպքում գումարվում է Հանրապետության նախորդ նախագահի լիազորությունների ավարտման օրը: Նշվել է, որ ԱԺ հատուկ նիստը կգումարվի ապրիլի 9-ին: Հատուկ նիստի անցկացման կարգը սահմանվում է ԱԺ նախագահի առաջարկությամբ՝ խորհրդի որոշմամբ:

Մեր նախորդ հրապարակումներում ներկայացրել էինք, թե ինչ լիազորություններ է ունենալու ՀՀ 4-րդ նախագահը:

Կարող եք ծանոթանալ նաև, թե ինչպիսի սպասարկում է նրան տրամադրվելու: