«Ես իմացա, որ Ձեզ առաջադրել է ՀՅԴ-ն: Դաշնակցության էն անդամներն, ովքեր 90-ականների կեսերին եղել են բանտերում, նրանք քաղբանտարկյա՞լ են եղել, թե՞ քրեական հանցագործ: Պարոն Ռուստամյանն էլ կակռազ մտավ»,- դիմելով ՀՀ արդարադատության նախկին նախարար, Բարձրագույն խորհրդի անդամի պաշտոնում առաջադրված Գևորգ Դանիելյանին` հարցրեց Նիկոլ Փաշինյանը:
«Ես ակնկալում էի, որ այն մարմնի թեկնածուին, որն ի սկզբանե պարտավորվելու է ապաքաղաքականացված լինել, ուղղվեին իրավական հարցեր, բայց երևի ձեր դիրքորոշումն այն է, որ քանի դեռ չի ստանձնել, կարող է քաղաքական բնույթի հարցերի պատասխանել: Ինչ վերաբերում է քաղբանտարկյալներին, ցավոք, դուք ընկալում եք հետևյալը. եթե որևէ մարդ ունեցել է քաղաքական բնույթի գործունեություն ու դատապարտվել ցանկացած արարքի համար, պետք է որակենք քաղաքական, հետապնդումը քաղաքական, բայց դրանք տարբեր երևույթներ են»,- ասաց Դանիելյանը:
Ժամանակի սպառվելու պատճառով նա ՀՅԴ-ի մասին հարցին չպատասխանեց: