Խնդրում ենք սպասել...

Միջազգային

Այսօր Նիդերլանդների խորհրդարանում քվեարկության կդրվեն Հայոց ցեղասպանության մասին նախագծերը

09:40, հինգշաբթի, 22 փետրվարի, 2018 թ.
Այսօր Նիդերլանդների խորհրդարանում քվեարկության կդրվեն Հայոց ցեղասպանության մասին նախագծերը

Նիդերլանդների խորհրդարանի ստորին պալատում (Tweede Kamer) այսօր՝ փետրվարի 22-ին քվեարկության կդրվեն Հայոց ցեղասպանության վերաբերյալ շրջանառության մեջ դրված 2 օրինագծերը:

«Քրիստոնեական Միություն» կուսակցության անդամ Ջոել Ֆորդևինդի ներկայացրած նախագծերից առաջինն ավելի կոնկրետ ձևակերպումներով վերահաստատում է 2004 թվականին Նիդերլանդների խորհրդարանի կողմից ընդունված՝ Հայոց ցեղասպանությունը ճանաչող որոշումը: 2-րդ նախագիծը նախատեսում է նախարարի մակարդակով Նիդերլանդների մասնակցությունը ամեն տարի ապրիլի 24-ին Ծիծեռնակաբերդում Եղեռնի անմեղ զոհերի հիշատակին անցկացվող միջոցառմանը:

Նշվում է, որ բանաձևերի ընդունման հավանականությունը շատ բարձր է, քանի որ խորհրդարանական 4 կուսակցություններն էլ աջակցում են դրանց:

Հիշեցնենք, որ օրեր առաջ բանաձևերի վերաբերյալ մամուլում տեղեկություններ հայտնվելուց հետո Թուրքիայի ԱԳՆ էր կանչվել Նիդերլանդների դեսպանատան գործերի ժամանակավոր հավատարմատարը:

Աղբյուրը` agos.com
6395 | 0
Facebook