«Комсомольская правда» պարբերականը Ռուսաստանից «օրենքով գողերի» արտաքսման մեկնարկի մասին հոդված է հրապարակել:
«Այժմ երկրից պատրաստվում են Վրաստան աարտաքսել 51-ամյա Ասլան Քոբուլաձեին և Սուլիկո Շարիքաձեին, իսկ Ղրղզստան՝ 43-ամյա Քամչիբեկ Քոլբաևին»,- հայտնում է պարբերականը՝ հղում անելով ՌԴ ՆԳՆ-ում իր աղբյուրներին:
Նշվում է, որ քրեական հեղինակությունների շրջանում զտումները պայմանավորված են մոտեցող Ֆուտբոլի աշխարհի առաջնության հետ, որը մեկնարկում է 2018թ. հունիսին:
Պարբերականի աղբյուրի խոսքով՝ այժմ Ռուսաստանում 432 «օրենքով գող» կա:
«Օրենքով գողերի» թվով առաջին եռյակում են ազգությամբ վրացիները (242 մարդ), ազգությամբ ռուսներն (51 մարդ) ու ազգությամբ հայերը (30 մարդ):