«Արտավազդ Փելեշյանն ուզում է նկարահանել ֆիլմ Քոչարի մասին: Երկու մեծություն մեկ ֆիլմում. կարծում եմ, որ հաջողության կհասնենք»,- Երվանդ Քոչարի թանգարանի ներկայացուցիչներին՝ Վարպետի հարազատներին նախարար Ամիրյանը նաև տեղեկացրել է, որ ֆիլմն իրականություն դարձնելու համար աշխատանք է տարվում:
Անդրադառնալով Քոչարի թանգարանի տարեկան հաշվետվությանն ու դրանում առկա ֆինանսական ցուցանիշներին, նախարարն արձանագրել է. «Մենք խոսում ենք հրաշալի արվեստագետի ու մեծ ներուժով թանգարանի մասին, ինչն անհամեմատ ավելի լավ ցուցանիշներ արձանագրելու հնարավորություն է տալիս: Այս տարի պետք է մեծ թռիչք ապահովեք: Նոր, հետաքրքիր գաղափարներ առաջարկեք: Համաձայնե՛ք, որ աշխատելու տեղ շատ ունեք»,-ասել է Ամիրյանն, այս մասին տեղեկացնում է Մշակույթի նախարարությունը: