Ռիվերսայդի համալսարանի հայ ուսանողները բողոքի ցույց են կազմակերպել համալսարանի տարածքում՝ Թուրքիայի կողմից Հայոց ցեղասպանության ժխտողական քաղաքականության դեմ, հաղորդում է Asbarez-ը:
Ուսանողների ձեռքին «Ճանաչե՛ք Ցեղասպանությունը», «Մենք հիշում ենք 1915-ը» և «Ազատ Արցախ» գրությամբ պաստառներ են եղել:
Ցույցի շրջանակներում ուսանողներն ԱՄՆ-ի իշխանություններին կոչ են արել ճանաչել Հայոց ցեղասպանության փաստը: Նշվում է, որ բողոքի ակցիաներն անցկացվել են Հայոց ցեղասպանության և Թուրքիայի իշխանությունների դիրքորոշման մասին համալսարանականների իրազեկվածության մակարդակը բարձրացնելու նպատակով: