Հանգստյան օրերին կայացել են բասկետբոլի Հայաստանի Ա լիգայի առաջնության երկրորդ երկրորդ շրջանի վերջին՝ 14-րդ տուրի հանդիպումները: Տուրի առաջին խաղում «Արթիկ»-ը սեփական հարկի տակ 61։48 հաշվով առավելության է հասել «Ինժեներ»-ի նկատմամբ։ «Ուրարտու»-ն իր խաղադաշտում խոշոր՝ 106։68 հաշվով հաղթել է «Գրանդ սպորտ»-ին: Տուրի վերջին՝ «Շիրակ»-«Արցախ» հանդիպումը կկայանա երեքշաբթի։ Այդ խաղով կավարտվի Ա լիգայի երկրորդ շրջանը։ Մրցաշարային աղյուսակը միանձնյա գլխավորում է «Ուրարտու»-ն։ Մարտի սկզբին կմեկնարկեն փլեյ-օֆֆի խաղերը։ «Ուրարտու»-ն՝ որպես առաջատար, բաց կթողնի փլեյ-օֆֆը։ Մյուս վեց թիմերը կպայքարեն կիսաեզրափակիչ անցնելու համար։