Խնդրում ենք սպասել...

Իրադարձություններ

Հայտնի են «Դեպի Եվրոտեսիլ» նախագծի կիսաեզրափակիչներում մրցող մասնակիցների անունները

15:40, հինգշաբթի, 15 փետրվարի, 2018 թ.
Հայտնի են «Դեպի Եվրոտեսիլ» նախագծի կիսաեզրափակիչներում մրցող մասնակիցների անունները

«Դեպի Եվրոտեսիլ» նախագծի երկրորդ եթերաշրջանի մեկնարկին մնացել են հաշված օրեր:

Փետրվարի 19-ին՝ Առաջին ալիքի ուղիղ եթերում, հեռուստադիտողները կկարողանան հետևել առաջին կիսաեզրափակիչ համերգին: Այդ օրը ելույթ կունենան Գևորգ Հարությունյանը, Անգելը, Լուսինե Մարդանյանը, Ժաննա Դավթյանը, Մհեր Արմենիան, «Նեմրա»-ն, Հայկ Կասպարովը, Թամար Կապրելիանը, Ռոբերտ Քոլոյանը և «Գաթա» բենդը:

«Դեպի եվրատեսիլ» նախագծի երկրորդ կիսաեզրափակիչ համերգը տեղի կունենա փետրվարի 22-ին, որտեղ հանդես կգան Մարիա Սիքրեթը, Արման Մեսրոպյանը, «Կամիլ» շոուն, Սուրեն Պողոսյանը, AlternatiV բենդը, Ամալիյա Մարգարյանը, Տյոմը, Սևակ Խանաղյանը, Մարիամը և Հասմիկ Շիրոյանը:

Եզրափակիչ փուլում՝ փետրվարի 25-ին, Առաջին ալիքի ուղիղ եթերում կմրցեն այն տասը մասնակիցները, որոնք կընտրվեն հեռուստադիտողների և միջազգային փորձագետներից կազմված ժյուրիի՝ 50/50 հարաբերակցությամբ քվեարկության արդյունքում: Հաղթողը կներկայացնի Հայաստանը «Եվրոտեսիլ 2018»-ին:

11007 | 2
Facebook