Կառավարության անդամները պատասխանում են քաղաքապետարանում տեղի ունեցած միջադեպին առնչվող «Ազատության» լրագրողի հարցերին, մասնավորապես, թե ինչպես են վերաբերվում ավագանու կին անդամների նկատմամբ ՀՀԿ-ի կողմից իրականացված բռնությանը:
Արմեն Ամիրյան՝ Մշակույթի նախարար. «Անշնորհքություն էր»:
Արծվիկ Մինասյան՝ Բնապահպանության նախարար. «Կարծում եմ՝ մենք քաղաքակիրթ մշակույթի ձևավորման խնդիր ունենք»:
Լևոն Ալթունյան՝ Առողջապահության նախարար. «Ես լսել եմ քաղաքապետի հայտարարությունը, որ բռնություն չի եղել: Ես կարող եմ դատել միայն հայտարարություններով»:
Լևոն Մկրտչյան՝ Կրթության և գիտության նախարար. «Իմ կարծիքով գոյություն ունի ինչ-որ մի աստիճան, որից ներքև ոչ ոք իրավունք չունի իջնելու: Ցանկացած բռնության նկատմամբ պետք է բացասական վերաբերմունք դրսևորել»:
Վահան Մարտիրոսյան՝ Տրանսպորտի, կապի և ՏՏ նախարար. «Ես մենակ տեսանյութն եմ տեսել, միայն տեսանյութի հիման վրա ես չեմ կարող գնահատական տալ, եզրակացություն անել»:
Շավարշ Քոչարյան՝ փոխարտգործնախարար. «Չի կարելի, որ որևէ մարմնի՝ պետական կլինի թե տեղական ինքնակառավարման, մակարդակն իջեցվի կեղտաջրերի և քաշքշուկի մակարդակի. դրանից լավ հոտ չի գալիս»: