Խնդրում ենք սպասել...

Միջազգային

Սիրիայում պայթյունի հետևանքով 15 ռուս վարձկան է զոհվել

15:00, հինգշաբթի, 15 փետրվարի, 2018 թ.
Սիրիայում պայթյունի հետևանքով 15 ռուս վարձկան է զոհվել

Սիրիայում զինամթերքի պահեստում տեղի ունեցած պայթյունի հետևանքով ռազմական մասնավոր ընկերության15 ռուս վարձկան է զոհվել: Այս մասին գրում է The Guardian-ը՝ վկայակոչելով Սիրիայի մարդու իրավունքների մոնիթորինգային խումբը:

Դեպքը տեղի է ունեցել Դեր Զոր նահանգի Թաբիա Ջազիրա քաղաքում զինամթերքի պահեստում: Մոնիթորինգային խումբը հայտնել է, որ ընկերությունը պատասխանատու էր Սիրիայի նախագահ Բաշար Ասադի ռեժիմի կողմից վերահսկվող նավթային և գազային հանքավայրերի պաշտպանության համար:

Նշվում է, որ ռուսները սիրիական ռեժիմի ուժերին ուղեկցել են դեպի Եփրատի արևելյան ափերի մոտ գտնվող նավթային և գազային հանքավայրեր: Դիտորդները ենթադրում են, որ Ասադի ուժերը փորձել են հասանելիություն ստանալ պահեստում գտնվող զենքի նկատմամբ, սակայն գործի են դրել պայթուցիկ սարքով ծուղակը: Դեպքի հետևանքով 23 մարդ է զոհվել, այդ թվում՝ 15 ռուս վարձկան:

8764 | 1
Facebook