Ֆրանսիայի նախագահ Էմանուել Մակրոնը նշել է սիրիական տարածքի ուղղությամբ ավիահարվածներ հասցնելու պայմանները: Մակրոնի խոսքով՝ հարձակում կիրականացվի այն դեպքում, եթե հաստատվի քիմիական զենքի կիրառումը, հաղորդում է BBC-ն:
«Մենք ավիահարվածներ կհասցնենք այնտեղ, որտեղ կիրառվել է համաձայնագրերով արգելված քիմիական զենքը, ինչպես նաև այն օբյեկտների ուղղությամբ, որտեղ այդ հարձակումները կազմակերպվել են»,- ասել է Մակրոնը:
Նա ընդգծել է, որ Փարիզը չունի ապացույցներ, սակայն ուշադիր հետևում է իրավիճակին:
BBC-ն նշում է, որ Սիրիայի իշխանությունները վճռականորեն հերքում են քիմիական զենքի կիրառումն ու հայտարարում, որ այն չի թիրախավորում քաղաքացիական անձանց: