Խնդրում ենք սպասել...
COMMENT.am
Այսօր`  շաբաթ, 20 հոկտեմբերի, 2018 թ.
Ավանդների տոկոսադրույքը`  
Հայկական դրամ
14.00%
,
ԱՄՆ դոլլար
6.50%
,
Եվրոպական Եվրո
4.00%
,
Ռուսական ռուբլի
8.50%

Միջազգային

«Սաակաշվիլին վաղ թե ուշ կկանգնի վրացական դատարանի առաջ». վրաց պատգամավոր

15:30, երեքշաբթի, 13 փետրվարի, 2018 թ.
«Սաակաշվիլին վաղ թե ուշ կկանգնի վրացական դատարանի առաջ». վրաց պատգամավոր

Վրաստանի խորհրդարանի պատգամավոր Իրակլի Սեսիաշվիլին հայտնել է, որ վաղ թե ուշ Վրաստանի նախկին նախագահ Միխայիլ Սաակաշվիլին, ում նախօրեին Ուկրաինայից Լեհաստան էին արտաքսել, կկանգնի վրացական դատարանի առջև, հաղորդում է РИА Новости-ն:

«Չեմ ցանկանում, որպեսզի Վրաստանի նախկին նախագահը նման իմիջ ունենա: Նա պարտավոր է կանգնել վրացական արդարադատության առջև: Թե ինչ կերպ դա տեղի կունենա, ժամանակի հարց է: Սակայն, կրկնում եմ, ինձ այս պարագայում առավել շատ հետաքրքրում է երկրի հեղինակությունը, քան մեկ քաղաքական գործչի ճակատագիրը»,- լրագրողների հետ զրույցում ասել է Սեսիաշվիլին:

Սաակաշվիլիի շուրջ ծավալված իրադարձությունները մեկնաբանել է նաև Վրաստանի պաշտպանության նախարար Լևան Իզորիան:

Նա նշել է, որ «Վրաստանը իրավական պետություն է, և, հետևաբար, բոլորն օրենքի առջև հավասար են՝ լինի դա հասարակ քաղաքացի, թե նախագահ»:

Նշենք, որ Սաակաշվիլին լքել էր Վրաստանը 2013թ. նոյեմբերին, երբ նախագահ ընտրվեց Գեորգի Մարգվելաշվիլին: Վրաստանի դատախազությունը հեռակա կարգով մի քանի քրեական հոդվածներով մեղադրանքներ է առաջադրել Սաակաշվիլիի նկատմամբ և բազմիցս դիմել ուկրաինական կողմին՝ խնդրելով արտահանձնել երկրի նախկին նախագահին:

| | |
2382 | 0