Վրաստանի նախկին նախագահ, Օդեսայի նախկին նահանգապետ Միխայիլ Սաակաշվիլին, ում Ուկրաինայից Լեհաստան էին արտաքսել, օգնություն է խնդրում Գերմանիայի կանցլեր Անգելա Մերկելից, գրում է DW-ն:
«Կիևի սրճարանում ինձ վրա հարձակվեցին դիմակավորված տղամարդիկ, նրանք առևանգեցին ինձ և մասնավոր ինքնաթիռով Լեհաստան տարան: Դրա հետևում կանգնած է կոռումպացված նախագահ Պետրո Պորոշենկոն»,-գերմանական Bild պարբերականի հետ զրույցում ասել է Սաակաշվիլին:
Նրա խոսքով՝ եթե ԵՄ-ն, մասնավորապես, Անգելա Մերկելը, ոչինչ չձեռնարկեն, ապա Ուկրաինան կփլուզվի: