«Եվրոպայում այլևս բանկային գաղտնիք չկա»: Այս մասին France2-ի հետ զրույցում ասել է տնտեսության և ֆինանսների հարցով եվրոհանձնակատար Պիեռ Մոսկովիսին:
«Եվրոպայում բանկային գաղտնիք այլևս չկա: Եթե ինչ-որ մեկը Շվեյցարիայում հաշիվ է բացում, տեղեկատվության ավտոմատ փոխանակում է կատարվում, այսինքն՝ մենք այդ մասին անմիջապես տեղեկանում ենք»,- ասել է պաշտոնյան:
Նա նաև հիշեցրել է, որ բացի Շվեյցարիայից՝ տեղեկատվության փոխանակման մասին համաձայնություններ կան Լիխտեյնշտեյնի, Սան Մարինոյի, Անդորրայի և Մոնակոյի հետ:
Ավելի վաղ Եվրոմիության երկրների՝ տնտեսության և ֆինանսների նախարարների խորհուրդը որոշում էր ընդունել ԵՄ հարկատուների եկամուտների ցուցակի ընդլայնման մասին, որով միության երկրների հարկային մարմինները պետք է ավտոմատ փոխանակում սկսեին 2017թ. երկրորդ կեսից ոչ ուշ: