Խնդրում ենք սպասել...
Այսօր`  չորեքշաբթի, 21 փետրվարի, 2018 թ.
Ավանդների տոկոսադրույքը`  
Հայկական դրամ
14.00%
,
ԱՄՆ դոլլար
6.50%
,
Եվրոպական Եվրո
4.00%
,
Ռուսական ռուբլի
8.50%

Իրադարձություններ

«Ավելի կարևոր է մե՛ր երկրում հանդիսատեսին գոհացնելը». Արմեն Ամիրյանը՝ պարարվեստի գործիչներին

23:10, շաբաթ, 10 փետրվարի, 2018 թ.
«Ավելի կարևոր է մե՛ր երկրում հանդիսատեսին գոհացնելը». Արմեն Ամիրյանը՝ պարարվեստի գործիչներին

Մշակույթի նախարար Արմեն Ամիրյանն այսօր հյուրընկալել էր Հայաստանի պարարվեստի գործիչներին, որոնք տարիներ շարունակ «իրենց ուսերին են տարել այս արվեստը», և որոնք այսօր բարձրաձայնեցին, որ առաջին անգամ են նման լուրջ ուշադրության արժանանում, և որ այս հանդիպմանը երկար են սպասել։

Լսելով արտասահմանյան հյուրախաղերի մասին, նախարարն ասել է. «Մեզ համար, իհարկե, կարևոր է, որ մեր պարախմբերն արտասահմանում հաջող ելույթներ ունենան, բայց շատ ավելի կարևոր է ներսո՛ւմ հաջողությունը. պետք է առաջին հերթին գոհացնել մոտ երեք միլիոնանոց հայաստանյան մեր հանդիսատեսին. դա եթե ստացվի, դրսի հաջողությունն ինքնին կստացվի»։

Նախարարը շեշտել է, որ պարարվեստի՝ Երևանում կուտակված հարստությունը պետք է ուղղել մարզեր, հեռավոր համայնքներ և դեպի Արցախ։ «Պահանջարկն է ձևավորում առաջարկը» տնտեսագիտական բանաձևը պետք է մոռանալ արվեստի, այդ թվում՝ պարարվեստի դեպքում. «Մե՛նք ենք ձևավորելու պահանջարկը՝ հիմնված ազգային բարձր արժեքների վրա»,- ասել է Արմեն Ամիրյանը։

Նախարարը վերջում ներկաներին հորդորել է մասնակցել կազմակերպվելիք՝ Պարարվեստի փառատոնին, առաջարկներ ու գաղափարներ ներկայացնել», այս մասին հայտնում է նախարարությունը:

1077 | 0
|
Հավանե՛ք և բաժանորդագրվե՛ք
Facebook
ВКонтакте
ՄԱՄՈՒԼ.am