Նախագահ Սերժ Սարգսյանն այսօր այցելել է Խ. Աբովյանի անվան հայկական պետական մանկավարժական համալսարան` մասնակցելու բուհի հիմնադրման 95-ամյակի կապակցությամբ կազմակերպված հոբելյանական միջոցառմանը, որին ներկա է եղել ՖԻԴԵ-ի նախագահ Կիրսան Իլյումժինովը։ Շրջայցի ընթացքում Իլյումժինովը, տեսնելով շախմատի տախտակը, Սարգսյանին առաջարկել է շախմատ խաղալ։ Նախագահը համաձայնել է և մրցակցին առաջարկել սպիտակ խաղաքարերը։ 3 րոպե տևած պարտիան ավարտվել է ոչ-ոքի։