Խնդրում ենք սպասել...
Այսօր`  երկուշաբթի, 21 մայիսի, 2018 թ.
Ավանդների տոկոսադրույքը`  
Հայկական դրամ
14.00%
,
ԱՄՆ դոլլար
6.50%
,
Եվրոպական Եվրո
4.00%
,
Ռուսական ռուբլի
8.50%

Միջազգային

Պաշտոնական․ Բուխարեստը կընդունի ծանրամարտի Եվրոպայի առաջնությունը

12:15, ուրբաթ, 09 փետրվարի, 2018 թ.
Պաշտոնական․ Բուխարեստը կընդունի ծանրամարտի Եվրոպայի առաջնությունը

Ծանրամարտի 2018 թվականի Եվրոպայի մեծահասակների առաջնությունը կայանալու է մարտի 23-ից ապրիլի 1-ը՝ Ռումինիայի մայրաքաղաք Բուխարեստում։ Այս մասին հայտնում է Ծանրամարտի Եվրոպայի ֆեդերացիան՝ EWF-ը։

Հիշեցնենք, որ ծանրամարտի 2018 թվականի Եվրոպայի մեծահասակների առաջնությունը պետք է կայանար մարտի 23-ից ապրիլի 1-ն՝ Ալբանիայի մայրաքաղաք Տիրանայում, սակայն դոպինգի հետ կապված խնդիրների պատճառով մրցավայրը փոխվեց։

Նշենք, որ դեռևս բաց է ծանրամարտի Հայաստանի հավաքականի՝ Եվրոպայի առաջնությանը մասնակցելու հարցը։ IWF-ը 2017-ի սեպտեմբերի 30-ին հայտարարել է, որ մեր ֆեդերացիան որակազրկվել է 1 տարով՝ հակադոպինգային կանոնները խախտելու համար: Մեր հավաքականի որակազրկման ժամկետն ավարտվում է 2018-ի հոկտեմբերի 19-ին։ Տարեվերջյան ամփոփիչ մամուլի ասուլիսի ընթացքում, Հայաստանի ծանրամարտի ֆեդերացիայի գլխավոր քարտուղար, տղամարդկանց հավաքականի գլխավոր մարզիչ Փաշիկ Ալավերդյանը հայտարարել էր, որ երեք պետություն՝ Հայաստանը, Չինաստանը և Թուրքիան, հավանաբար, պատիժը կկրեն վեց կամ ավելի քիչ ամիս, ինչի արդյունքում Հայաստանի հավաքականը կկարողանա մասնակցել Եվրոպայի առաջնությանը։ Հարցի շուրջ որևէ նորություն չկա, և, հավանաբար, մեր հավաքականը բաց կթողնի ստուգատեսը։

2254 | 0
|
Հավանե՛ք և բաժանորդագրվե՛ք
Facebook
ВКонтакте
ՄԱՄՈՒԼ.am