ԱՄՆ-ն հերթական ազդանշանն է ուղարկել Թուրքիային՝ զգուշացնելով ՆԱՏՕ-ի իր դաշնակցին Սիրիայի Մանբիջ քաղաքից զորքերը դուրս բերելու ծրագրերի բացակայության մասին: Մանբիջը գտնվում է քրդական «Ազգային ինքնապաշտպանության ջոկատի» (YPG) վերահսկողության տակ:
Փետրվարի 7-ին Մանբիջ է այցելել Իրաքում և Սիրիայում միջազգային կոալիցիայի ուժերի հրամանատար, ԱՄՆ զինված ուժերի գեներալ լեյտենանտ Փոլ Ֆանքը: Նա հասկացնել է տվել Թուրքիային, որ ամերիկյան հրամանատարությունը մտադիր չէ լքել տարածաշրջանը և պայքարելու է ԴԱԻՇ ահաբեկչական խմբավորման դեմ, փոխանցում է Associated Press-ը:
«Մենք այստեղ ենք, որպեսզի երաշխավորենք այդ շրջանում ԴԱԻՇ-ի դեմ վերջնական հաղթանակը»,- հայտարարել է ամերիկացի գեներալը:
Հիշեցնենք, որ երեկ Թուրքիայի ԱԳՆ-ն հայտարարել էր, որ Անկարան մտադիր չէ Վաշինգթոնի հետ քննարկել Աֆրինի գործողությունները: