Անվտանգության խորհրդի կազմավորման ու գործունեության մասին օրինագծի քննարկումների ժամանակ քիչ առաջ ելույթ ունեցավ նաև ընդդիմադիր պատգամավոր Նիկոլ Փաշինյանը: Մինչ այդ, նա անդրադարձավ ավելի վաղ առաջին փոխվարչապետի պաշտոնի մասին հարցին՝ ընդգծելով, որ Սահմանադրության մեջ նման հասկացություն չկա: «Պարզ ա, որ չկա, որովհետև 2015-ին դրա անհրաժեշտությունը չկար: 2015-ին, երբ նոր Սահմանադրությունն ընդունվում էր, Հովիկ Աբրահամյանը մտածում էր, որ սուպերվարչապետն ինքն ա լինելու, Սերժ Սարգսյանն էլ ասում էր՝ թող Հովիկն այդպես մտածի: Հետո իրավիճակը փոխվեց: Սերժ Սարգսյանը հրավիրեց Կարեն Կարապետյանին, ասաց՝ արի, վարչապետ եղիր: Կարենն էլ ասաց՝ եղավ, ես կլինեմ սուպերվարչապետը: Բայց հիմա ստեղծվել ա իրավիճակ, որ Սերժ Սարգսյանը չորով պետք ա քցի Կարեն Կարապետյանին ու որպեսզի քցելու պրոցեսը մեղմվի, առաջին փոխվարչապետի պաշտոն են ստեղծել»,- նշեց Փաշինյանը:
Ավելի վաղ հայտնել էինք, որ առաջին փոխվարչապետի պաշտոնն ստեղծվում է Կարեն Կարապետյանի սիրտը շահելու համար: