ԱՄՆ նախագահ Դոնալդ Թրամփը շնորհավորել է SpaceX ընկերության ղեկավար Իլոն Մասկին՝ Falcon Heavy գերծանր հրթիռակրի հաջող արձակման կապակցությամբ:
«Շնորհավորում եմ Իլոն Մասկին և SpaceX-ին Falcon Heavy-ի հաջող արձակման համար: Սա ձեռքբերում է NASA-ի առևտրային և միջազգային գործընկերների հետ միասին, նախկինի պես ամերիկյան հնարամտությունը ներկայանում է լավագույն տեսքով»,- Twitter-ի իր էջում գրել է Թրամփը:
Գերծանր հրթիռակրի արձակումը տեղի է ունեցել փետրվարի 6-ին Ֆլորիդա նահանգում: SpaceX-ում Falcon-ն աշխարհի ամենահզոր հրթիռն են անվանում: Այն կարող է մինչև 64 տոննա բեռ բարձրացնել: