ՌԴ նախագահ Վլադիմիր Պուտինն ու Թուրքիայի նախագահ Ռեջեփ Էրդողանը հերթական հեռախոսազրույցն են ունեցել: Կրեմլի մամուլի ծառայության հաղորդմամբ՝ կողմերը քննարկել են սիրիական ազգային երկխոսության կոնգրեսի արդյունքները:
Երկու երկրների ղեկավարներն ընդգծել են համաձայնությունների իրականացման կարևորությունը, որոնք ուղղված են Սիրիայում՝ ՄԱԿ-ի Անվտանգության խորհրդի 2254-րդ բանաձևի հիման վրա քաղաքական կարգավորման գործընթացի առաջընթացին:
Պուտինն ու Էրդողանը քննարկել են նաև ապաէսկալացիայի գոտիներում գործունեության կայունությունն, ինչպես նաև Աստանայի ձևաչափով փոխգործակցությունը:
Հիշեցնենք, որ ավելի վաղ հեռախոսազրույցի ընթացքում Էրդողանը Պուտինին էր ներկայացրել Սիրիայում թուրքական ռազմական գործողությունների արդյունքները: