Միջազգային

Ֆրանսիայի նախագահ Էմանուել Մակրոնը երեքշաբթի Ֆրանսիայում հայկական կազմակերպությունների համակարգող խորհրդի (CCAF) ամենամյա ընթրիքի ժամանակ հայտարարել է, որ Հայոց ցեղասպանության զոհերի հիշտակի օրը կամրագրի ֆրանսիական օրացույցում, փոխանցում է rusarminfo-ն:

«Դա մեր պայքարն է արդարության և ճանաչման համար, և մենք պայքարում ենք, և մենք կավելացնենք Ցեղասպանության օրը հանրապետության օրացույցում: Ազգային ժողովն այդ հարցին կվերադառնա մոտակա ամիսներին»,- իր ելույթի ժամանակ ասել է Մակրոնը:

Ընթրիքին ներկա են եղել նաև Փարիզի քաղաքապետ Անն Իդալգոն, Իլ դե Ֆրանս շրջանային խորհրդի նախագահ Վալերի Պեկրեսը, «Hauts-de-Seine» խորհրդի նախագահ Պատրիկ Դեվեջյանն ու Լիոնի քաղաքապետ Ժորժ Քեփենեկյանը , ինչպես նաև Թուրքիայի խորհրդարանի հայ պատգամավոր Կարո Փայլանը, եվրոպական համայնքի առաջնորդները: