Վրաստանի նախկին նախագահ, Օդեսայի նախկին նահանգապետ Միխայիլ Սաակաշվիլին, ում նկատմամբ գիշերային տնային կալանք է սահմանվել (22:00-ից մինչև 7:00), մտադիր է փետրվարի 4-ին ժամը 12:00-ին երթ անցկացնել Կիևում: Երթը կավարտվի Մայդանում, հայտնում է ուկրաինական NewsOne հեռուստաընկերությունը:
Նախօրեին Սաակաշվիլին հայտարարել էր, որ ինքն ու իր կողմնակիցները կշարունակեն բողոքի ցույցերն Ուկրաինայի նախագահ Պետրո Պորոշենկոյի իշխանության դեմ: