Պենտագոնի նախկին ղեկավար Էշթոն Քարթերը հայտարարել է, որ ՆԱՏՕ-ն պետք է ռազմական գործողությունների ծրագիր մշակի Ռուսաստանի հետ հնարավոր հակամարտության դեպքում, փոխանցում է РИА «Новости»-ն:
Նման հայտարարությամբ է Քարթերը հանդես եկել Դավոսում Համաշխարհային տնտեսական ֆորումի շրջանակներում:
«Կարծում եմ, որ մենք և ՆԱՏՕ-ի մեր գործընկերները պետք է ռազմական գործողությունների ծրագիր մշակենք Ռուսաստանի դեմ: Մեզ նաև ծրագիր է անհրաժեշտ մերձբալթյան պետություններ «կանաչ մարդուկների» ներխուժման դեպքում, որտեղ նրանք (Ռուսաստանը) կարող են օգտագործել ազգային փոքրամասնությունները»,- ասել է Քարթերը:
Նրա խոսքով՝ ԱՄՆ-ն Բեռլինյան պատի անկումից ի վեր Ռուսաստանը որպես ռազմական հակառակորդ չէր դիտարկել, սակայն այժմ իրավիճակը փոխվել է: