Շվեյցարիայի Ցյուրիխ քաղաքում հազարավոր մարդիկ են մասնակցել Դավոսի Համաշխարհային տնտեսական ֆորումին ԱՄՆ նախագահ Դոնալդ Թրամփի մասնակցության դեմ բողոքի ցույցերին, հաղորդում է SRF հեռուստաընկերությունը՝ հղում անելով տեղի ոստիկանությանը:
Ցուցարարների ձեռքին «Trump not welcome» (Թրամփի մասնակցությունը չի ողջունվում), դրոշներ են եղել: Նշվում է, որ միջոցառումները համաձայնեցված են եղել ոստիկանության հետ:
Բացի Ցյուրիխից՝ բողոքի ցույցեր են անցկացվել նաև շվեյցարական այլ քաղաքներում՝ Ժնևում, Լոզանում, Նեվշատելում, Ֆրիբուրում և Բելինցոնում: Լոզանի ցույցերին 250-300 մարդ է հավաքվել:
Նշենք, որ երեկ շվեյցարական Դավոսում մեկնարկել է Համաշխարհային տնտեսական 48-րդ ֆորումը, որին մասնակցում են ավելի քան 100 երկրների քաղաքական և բիզնես առաջնորդներ՝ համաշխարհային օրակարգի արդիական հարցեր քննարկելու համար: Դավոսում է նաև ՀՀ վարչապետ Կարեն Կարապետյանը: