Ինչպես հայտնի է, այս տարվա գարնանը Հայաստանը կդառնա խորհրդարանական կառավարմամբ երկիր, իսկ երկրի նախագահի պաշտոնում ՀՀԿ-ն առաջարկել է 2013-ից Մեծ Բրիտանիայի և Հյուսիսային Իռլանդիայի Միացյալ Թագավորությունում ՀՀ արտակարգ և լիազոր դեսպան Արմեն Սարգսյանի թեկնածությունը: Այն հանգամանքը, որ նախագահն այլևս չի ունենալու նախկին լիազորությունները, համացանցում դարձել է ծաղրի առարկա: Արմեն Սարգսյանին օգտատերերը համեմատել են Մեծ Բրիտանիայի թագուհի Եղիսաբեթ Երկրորդի հետ: