Խնդրում ենք սպասել...
Այսօր`  երկուշաբթի, 21 մայիսի, 2018 թ.
Ավանդների տոկոսադրույքը`  
Հայկական դրամ
14.00%
,
ԱՄՆ դոլլար
6.50%
,
Եվրոպական Եվրո
4.00%
,
Ռուսական ռուբլի
8.50%

Իրադարձություններ

«Կա՛մ պետք է ձեռք-ձեռքի տված դուրս գանք փողոց և պայքարենք, կա՛մ մտածենք արտագաղթի մասին». Զարուհի Փոստանջյան

14:50, երեքշաբթի, 23 հունվարի, 2018 թ.
«Կա՛մ պետք է ձեռք-ձեռքի տված դուրս գանք փողոց և պայքարենք, կա՛մ մտածենք արտագաղթի մասին». Զարուհի Փոստանջյան

Մեկնարկել է «Երկիր Ծիրանի» կուսակցության համահայկական ընդվզման իրազեկման վերաբերյալ հերթական ակցիան:

Կուսակցության առաջնորդ Զարուհի Փոստանջյանը շրջում է մայրաքաղաքի փողոցներով, պայքարի կոչ անում և թռուցիկներ բաժանում:

«Առանձ հեղափոխության և ընդվզման չենք կարող ձերբազատվել այս ապօրինի իշխանությունից: Քանի դեռ հանդուրժում ենք նրանց, չենք ունենալու ժողովրդական պետություն: Այս պահին ունենք 3-4 միլիոն Հայաստանից գաղթած սփյուռք: Մեր հայրենիքը շատ կարողություն ունի, մենք ենք մեղավոր, որ մեր միջոցները դուրս են գալիս հանրապետությունից և դառնում դղյակներ ոմանց համար: Մենք կարող ենք ընդվզել այս ամենի դեմ և ընդվզում ենք, բայց այդ ամենը բավարար չէ: Մենք կամ պետք է ձեռք-ձեռքի տված դուրս գանք փողոց և պայքարենք թանկության, թալանի և անարդարության դեմ կամ էլ մտածենք արտագաղթի մասին»,- բարձրախոսով դիմելով քաղաքացիներին՝ կոչ էր անում Փոստանջյանը:

«Էսի վիճակ չի, ավելի լավ ա, մի հատ ռումբ գցեն, վերացնեն էս մարդկանց, քան ամեն օր մի բան թանկացնեն և կեղեքեն...»,- բողոքեց քաղաքացիներից մեկը:

Հիշեցնենք՝ «Երկիր Ծիրանին» հայտնել էր, որ հունվարի երկրորդ կեսից ընդդիմադիր այս ուժը լինելու է հրապարակներում, փողոցներում և մարդկանց բաժանելու է ընդվզման կոչով թռուցիկներ: Նշենք, որ կուսակցությունն առաջիկա պայքարի համար ընտրել է՝ «Ընդվզիր, մերժիր սատանայի բանաձևը» կարգախոսը:

3554 | 5
|
Հավանե՛ք և բաժանորդագրվե՛ք
Facebook
ВКонтакте
ՄԱՄՈՒԼ.am