ԱԺ նիստերի դահլիճում մեկնարկում են «Առանձին ապրանքատեսակների գների բարձրացման պատճառները և գնաճը մեղմելու հնարավորությունները» թեմայով խորհրդարանական լսումները:
Հիշեցնենք՝ ՀՀ նախագահ Սերժ Սարգսյանը հունվարի 10-ին գնաճը մեղմելու, պատճառներն ուսումնասիրելու հարցով խորհրդակցություն էր հրավիրել՝ տալով հանձնարարականներ:
Հունվարի 19-ին ընդդիմադիր «Ելք»-ն ընդդեմ թանկացումների բողոքի երթ էր անցկացրել՝ հայտարարելով, թե խորհրդարանական լսումներ անցկացնելն անիմաստ է. խնդրի լուծումը Հարկային օրենսգրքում հրատապ փոփոխություններ կատարելն է:
Տեղեկացնենք, որ հունվարի 1-ից ուժի մեջ մտած Հարկային օրենսգրքով բարձրացվել են մի շարք ապրանքնատեսակների դրույքաչափերը, որի հետևանքով թանկացումները համատարած են դարձել: