Միջազգային

ՌԴ Կրասնոդարի երկրամասի Լադոժսկայա բնակավայրում իրավապահ մարմինների ներկայացուցիչները հանդիպել են տեղի բնակչության հետ, որի ընթացքում նոր մանրամասներ են բացահայտվել 2 հայի և մեկ գնչուի սպանությունից, հաղորդում է rusarminfo-ն:

Ոստիկանության պետը հայտնել է, որ ԶԼՄ-ներում տարածված վարկածն այն մասին, որ մարդասպանը՝ 33-ամյա ատաման Ալեքսանդր Սիտավիչուսը, վրեժ է լուծել իր աղջիկներին բռնաբարելու համար, չի հաստատվել: Այդ վարկածը հերքել է ինքը՝ մեղադրյալը, ով խոստովանել է, որ զոհերին ընտրել է պատահականության սկզբունքով:

«Այդ պահին ես վիրավորված էի, ինչ-որ մեկն ինձ հարվածել էր, ես այնպիսի վիճակում էի, որ պետք է ինչ-որ մեկից վրեժ լուծեի»,- հարցաքննության ժամանակ ասել է Սիտավիչուսը:

Հանդիպման ժամանակ ելույթ են ունեցել նաև հայ համայնքի ներկայացուցիչները, ովքեր նշել են, որ Սիտավիչուսի և հայերի միջև լավ հարաբերություններ են եղել: