Այսօր՝ հունվարի 22-ին, ողբերգական դեպք է տեղի ունեցել Երևանում։ Ժամը 00։20-ի սահմաններում Արաբկիր շտապբուժօգնության ենթակայանից Ոստիկանության Արաբկիրի բաժին հայտնել են, որ Սունդուկյան փողոցի տներից մեկի լոգարանում աղջկա դի կա։ Ինչպես հայտնում է shamshyan.com-ը, դեպքի վայր ժամանած օպերատիվ խմբի կողմից նշված հասցեում լոգարանում հայտնաբերվել է 26-ամյա Սոսե Գ.-ի դին։ Դատաբժշկի նախնական եզրակացությամբ՝ դիակի վրա բռնության հետքեր չեն հայտնաբերվել։ Ըստ նախնական եզրակացության՝ Սոսե Գ-ն մահացել է շմոլ գազից։ Փաստի առթիվ նյութեր են նախապատրաստվում, նշանակվել են մի շարք փորձաքննություններ, այդ թվում՝ դիակի դատաբժշկական։
Ըստ կայքի տեղեկությունների՝ մահացածն աշխատում էր «Beko» ՍՊԸ-ում՝ որպես դիզայներ։