Facebook սոցցանցն օգտատերերին կհարցնի, թե նորությունների որ ռեսուրսին են ավելի շատ վստահում, հայտնում է BBC-ն:
Շուտով օգտատերերի նորությունների ժապավենում հաղորդագրություններ կհայտնվեն տեղեկատվության հուսալի աղբյուրներից: Այս մասին ասվում է ընկերության հիմնադիր Մարկ Ցուկերբերգի հայտարարության մեջ:
«Ժամանակակից աշխարհում շատ են կենտրոնանում սենսացիաների, ապատեղեկատվության և տեսակետների բևեռացման վրա»,- գրել է Ցուկերբերգն, ում կարողությունն ըստ Forbes-ի գերազանցում է 73 միլիարդ դոլարը:
Նշվում է, որ հարցման ընթացքում Facebook-ն օգտատերերից կհետաքրքրվի, թե նորությունների որ աղբյուրին են ծանոթ և որքանով են դրան վստահում: