Խնդրում ենք սպասել...

Միջազգային

Իսլամիստները ծրագրել էին պայթեցնել Լոնդոնի Բիգ Բենը

10:30, հինգշաբթի, 18 հունվարի, 2018 թ.
Իսլամիստները ծրագրել էին պայթեցնել Լոնդոնի Բիգ Բենը

Մեծ Բրիտանիայում իսլամիստները, ովքեր մեղադրվում են Լոնդոնում իրականացված մի շարք ահաբեկչությունների համար, պլանավորել են պայթեցնել Բիգ Բենը, Հիթրոու օդանավակայանը, Westfield առևտրի կենտրոնն ու հասարակական տրանսպորտի մի քանի կանգառներ, գրում է The Independent-ը:

Դատական նիստի ժամանակ ծայրահեղական Ումար Հաքը, ում ձերբակալել էին անցած տարի իր 3 համախոսհների հետ, պատմել է Մեծ Բրիտանիայի մայրաքաղաքում միանգամից մի քանի տուրիստական վայրում պայթյուններ կազմակերպելու ծրագրերի մասին:

Ահաբեկչի խոսքով՝ իրեն «ոգեշնչել է» 2017թ. մարտին Վեսթմինսթերի ահաբեկչությունը, որից հետո նա մտահղացել է «Ալլահի՝ մահվան բանդա» ստեղծել:

Հայտնի է դարձել նաև, որ Հաքն իսլամիստական գաղափարների է քարոզել, երբ աշխատել է Լոնդոնի մուսուլմանական դպրոցում: Նա աշակերտներին մահապատիժներով տեսագրություններ է ցուցադրել և կոչ արել միանալ գրոհայիններին: Երեխաները նաև դերերով ահաբեկչական հարձակումներ են բեմադրել:

9639 | 0
Facebook